Պուտինը Դումային ներկայացրել է Բաց երկնքի պայմանագրից ՌԴ-ի դուրս գալու մասին օրինագիծը

MasterNews

Ռուսաստանի նախագահ Վլադիմիր Պուտինը Դումային ներկայացրել է Ռուսաստանի Դաշնության կողմից Բաց երկնքի պայմանագրի (ԲԵՊ) չեղարկման մասին թիվ 1168313-7 օրինագիծը: Օրինագիծը հայտնվել է Դումայի բազայում, տեղեկացնում է «Արմենպրես»-ը:

Մայիսի 5-ին վարչապետ Միխայիլ Միշուստինը ստորագրել է կառավարության որոշումը այդ պայմանագրի չեղարկման մասին առաջարկությունը նախագահին ներկայացնելու վերաբերյալ: Առաջարկվել է, որ այն բանից հետո, երբ կառավարությունը ԲԵՊ-ի չեղարկման մասին օրինագիծը ներկայացնի նախագահին, փաստաթուղթը կհանձնեն Պետական Դումա: Մայիսի 9-ին Պուտինը արտաքին գործերի փոխնախարար Սերգեյ Ռյաբկովին նշանակել է Դումայում եւ Դաշնության խորհրդում այդ օրինագիծը քննարկելիս նախագահի ներկայացուցիչ:

Բաց երկնքի պայմանագիրն ստորագրվել է (ԲԵՊ, The Treaty on Open Skies) 1992 թվականի մարտի 24-ին Հելսինկիում՝ Եվրոպայի անվտանգության եւ համագործակցության կազմակերպության (ԵԱՀԿ) 23 անդամ-պետությունների ներկայացուցիչների կողմից: Ռուսաստանը պայմանագիրը վավերացրել Է 2001 թվականի մայիսի 26-ին: Մասնակից երկրներն իրավունք են ստանում թռչել միմյանց տարածքների շուրջ՝ ռազմական գործունեությունը վերահսկելու նպատակով: 2020 թվականի նոյեմբերին ԱՄՆ-ը դուրս է եկել ԲԵՊ-ից: 2021 թվականի հունվարին նմանօրինակ ընթացակարգ սկսելու մասին հայտարարել է Ռուսաստանի ԱԳ նախարարությունը: Մոսկվան իր վերադարձը համաձայնագրին հնարավոր է համարել, եթե նույն բանն անի Վաշինգտոնը, սակայն ապրիլի վերջին ԱԳՆ-ում արձանագրել են, որ ամեն բան ընթանում է դեպի պայմանագրի վերացում, եւ հավելել, որ Ռուսաստանում ԲԵՊ-ի չեղարկման ընթացակարգը կավարտվի մինչեւ մայիսի վերջ, հաղորդել է «Ինտերֆաքս»-ը

Next Post

«Ռուսաստանը մտադիր է հստակ քայլեր ձեռնարկել ԼՂ-ում առկա խնդիրների լուծման համար». Լավրով

«Մենք կենտրոնացած ենք Լեռնային Ղարաբաղում հակամարտության կարգավորման վերաբերյալ բոլոր պայմանավորվածությունների ամբողջական, բարեխղճորեն կատարման վրա»,- ասել է Ռուսաստանի արտգործնախարար Սերգեյ Լավրովը՝ Ադրբեջանի ԱԳ նախարար Ջեյհուն Բայրամովի […]