20.01.2022

MasterNews

Օրվա գլխավոր լուրերը մեկ տեղում

Իրանը հրթիռային հարված է հասցրել իսրայելական նավին

Իրանը հարվածել է իսրայելական XT Management ընկերությանը պատկանող բեռնատար նավին: Ինչպես հաղորդում է «Արմենպրես»-ը, այդ մասին տեղեկացնում է իսրայելական 12 հեռուստաալիքը:

«Տանզանիայից Հնդկաստան ուղևորվող բեռնատար նավը վաղ առավոտյան խփվել է Արաբական ծովում իրանցի զինվորականների արձակած հրթիռից: Նավը վնասվել է, բայց շարունակել է ճանապարհը դեպի նշանակման վայր՝ նավահանգիստ»,- ասված է տեղեկատվության մեջ:

Հեռուստաընկերությունն ընդգծում է, որ նավը պատկանում է իսրայելական ընկերությանը, որի գրասենյակը գտնվում է Հայֆայում: Ընկերության սեփականատեր Ուդի Էնջելը տեղեկացվել է տեղի ունեցածի մասին:

Նավը կշարունակի իր ճանապարհը նախանշված ուղիով, վերանորոգումը նախատեսված է Հնդկաստանում:

error

Կիսվեք լուրերով