20.01.2022

MasterNews

Օրվա գլխավոր լուրերը մեկ տեղում

Yandex Map-ն առաջինն է սկսել անվանափոխել Շուշիի փողոցները

Ռազմական վերլուծաբան Արթուր Եղիազարյանի որդին՝ Արգամ Եղիազարյանը ֆեյսբուքյան իր էջում գրել է. «Մի փոքր հակահայկական սիմվոլիզմ Շուշիում
Ադրբեջանն արդեն սկսել է իրեն հանձնած Շուշիի փողոցների անվանափոխումը։ Օնլայն քարտեզներից առաջինը ադրբեջանի համար ծառայություն է մատուցել է Yandex Map–ը։
Քարտեզում փողոցների մեծագույն մասն անվանակոչվել է այն ադրբեջանցիների «պատվին», ովքեր ծնունդով քաղաքից են, կան ինչ–որ կապ են ունեցել քաղաքի հետ։
Մեր՝ Շուշիի տան փողոցը կրում է (էր) Հայաստանի հիմնադիր հայր Արամ Մանուկյանի անունը։ Իսկ գիտե՞ք, թե հիմա ում անունն է կրում այդ փողոցը։ Ոչ թե ադրբեջանի, այլ թուրքիայի հիմնադիր աթաթուրքի անունը։
Ի դեպ՝ Շուշիի այդ փողոցն Արամ Մանուկյանի պատվին անվանակոչելու առաջարկի հեղինակը հայրս է՝ Արթուր Եղիազարյանը, երբ երջանկահիշատակ Շահեն Մկրտչյանի գլխավորությամբ 1993 թ. ստեղծվել էր խումբ, որը զբաղվում էր Շուշիի այն փողոցների անվանափոխմամբ, որոնք օտար անուններ ունեին։
Հորս և իր ընկերոջ՝ Արտաշես Թորոսյանի գլխավորությամբ 1992թ. հոկտեմբերին ստեղծված Շուշիի վարժարանը նույնպես կրեց Արամ Մանուկյանի անունը»։

error

Կիսվեք լուրերով