Բոստոնի քաղաքապետը ներողություն է խնդրել հայերից՝ Ադրբեջանին սատարող հայտարարության համար

MasterNews

Բոստոնի քաղաքապետ Մարտին Ուոլշը ներողություն է խնդրել հայերից` ավելի վաղ Խոջալուի դեպքերի առնչությամբ ադրբեջանական կեղծիքին սատարող հայտարարություն անելու համար։ Նա նաև պաշտոնապես չեղարկել է իր հռչակագիրը։ Այս մասին հայտնում է 1lurer.am-ը։

«Ցավոք, հռչակագիրն ընդունվել էր՝ առանց ընթացակարգին բնորոշ ուսումնասիրության։ Ամերիկահայ համայնքի ղեկավարների հետ զրույցից հասկացանք, որ այն ցավոտ էր շատերի համար։ Եվ ես վճռեցի չեղարկել այն»,- հայտարարել է Ուոլշը։ Քաղաքապետը նաև դրվատանքի խոսքեր է ասել հայերի մասին՝ շեշտելով մեր հայրենակիցների մեծ ներդրումը Բոստոնի զարգացման գործում: Նա շեշտել է Հայկական ժառանգության պուրակի մասին, որը համայնքը հիմնել է քաղաքի սրտում։ Ուոլշը նաև հիշել է, որ 2015 թ. մասնակցել էր Հայոց ցեղասպանության հիշատակի 100-րդ տարելիցի միջոցառումներին և ընդգծել, որ մեծ կարևորություն է տալիս հայ համայնքի և Հայաստանի հետ հարաբերություններին։

 

http://Auroranews.am

 

Next Post

Վարչապետը Արտակ Դավթյանին ԳՇ պետ նշանակելու միջնորդագիրը հիմնավորումներով հետ է ուղարկելու նախագահին

ՀՀ վարչապետ Նիկոլ Փաշինյանը Զինված ուժերի գլխավոր շտաբի պետի պաշտոնում Արտակ Դավթյանին նշանակելու միջնորդագիրը հիմնավորումներով հետ է ուղարկելու նախագահ Արմեն Սարգսյանին: Այս մասին «Արմենպրես»-ին տեղեկացրին […]
Facebook
fb-share-icon
Share
Instagram
Telegram