Ներկայացուցիչների պալատի անդամները Բայդենին կոչ են արել վերանայել Թուրքիայի նկատմամբ վերաբերմունքը

MasterNews

Ամերիկայի Միացյալ Նահանգների Ներկայացուցիչների պալատի ավելի քան 170 անդամներ նախագահ Ջո Բայդենի վարչակազմին կոչ են արել վերանայել Թուրքիայի նկատմամբ վերաբերմունքը՝ պայմանավորված այդ երկրում մարդու իրավունքների խախտման բազմաթիվ արձանագրված դեպքերով.

«Արմենպրես»-ի փոխանցմամբ՝ Ներկայացուցիչների պալատի անդամները նամակ են հղել Բայդենի վարչակազմին:

«Մինչ Բայդենի վարչակազմը ձևակերպում է Թուրքիայի նկատմամբ իր արտաքին քաղաքականությունը, մենք խնդրում ենք ուշադրություն դարձնել նախագահ Ռեջեփ Թայիփ Էրդողանի օրոք տեղի ունեցած մարդու իրավունքների տագնապալի խախտումներին։ Նախագահ Էրդողանը և նրա «Արդարություն և զարգացում» կուսակցությունը օգտագործել են իրենց գրեթե քսան տարվա իշխանության գալը, որպեսզի թուլացնեն Թուրքիայի դատական համակարգը, քաղաքական դաշնակիցների նշանակեն առանցքային ռազմական և հետախուզական պաշտոններում, ճնշեն խոսքի ազատությունն ու ազատ մամուլը և անօրինական կերպով բանտ նստեցնեն քաղաքական ընդդիմախոսներին, լրագրողներին և փոքրամասնություններին»,- ասված է նամակում:

Ներկայացուցիչների պալատի անդամները նշել են, որ 2016 թվականից ի վեր ավելի քան 80 000 թուրք քաղաքացիներ բանտարկվել կամ կալանավորվել են, իսկ ավելի քան 1 500 ոչ կառավարական կազմակերպություններ փակվել են քաղաքական ընդդիմությանը ճնշելու համար:

«Նախագահ Էրդողանի կառավարությունը նույնիսկ իր ոճը բերեց մեր երկրի մայրաքաղաքի փողոցներ, երբ 2017 թ. Էրդողանի՝ Միացյալ Նահանգներ կատարած այցի ժամանակ անվտանգության ծառայության թուրք աշխատակիցները հարձակվեցին խաղաղ ցուցարարների և դաշնային ծառայողների վրա։ Էրդողանի 4 թիկնապահներին մինչ օրս մեղադրանք է առաջադրվել ԱՄՆ-ում այդ միջադեպի համար։ Նրանք ազատության մեջ են մնում Թուրքիայում։ Թեև մեր ընդհանուր շահերից է բխում, որ Միացյալ Նահանգներն ու Թուրքիան մնան ռազմավարական դաշնակիցներ և վերացվեն մեր միջև տարաձայնությունները, սակայն մենք կարծում ենք, որ նախագահ Էրդողանի և նրա կուսակցության պահվածքի փոփոխությունները կենսական նշանակություն ունեն այդ հարաբերությունների վերականգնման համար»,- նշված է նամակում:

Նամակի հեղինակները Բայդենի վարչակազմին կոչ են անում առավել մեծ ուշադրություն դարձնել երկու երկրների միջև հարաբերություններում մարդու իրավունքների պաշտպանության հարցերին:

Next Post

ԵՄ-ն պատժամիջոցներ է ընդունել ՌԴ պաշտոնյաների դեմ Նավալնու գործով

Եվրամիությունը պատժամիջոցներ է ընդունել ռուս պաշտոնյաների հետ, որոնք կապված են ընդդիմադիր գործիչ Ալեքսեյ Նավալնիի գործի հետ։ Այս մասին հայտնում է DPA գործակալությունը։ Մոտ ժամանակներս կհրապարակվի […]

Կարդացեք նաև

Facebook
fb-share-icon
Share
Instagram
Telegram