Իրաքյան Քուրդիստան ներխուժած թուրքական զինուժը, ջախջախվելով, հետ է շպրտվել

MasterNews

Իրաքի հյուսիսային Քուրդիստան ինքնավար շրջանի Դոհուկ նահանգի Գարե բնակավայրում ահաբեկչության դեմ պայքարի պատրվակով զավթողական գործողություններ իրականացնող թուրքական զինուժը ջախջախվել է։ Այս մասին տեղեկացնում է «Ժողովրդական պաշտպանական ուժեր» (HPG-ԺՊՈՒ) քրդական խմբավորման մամուլի ծառայությունը, գրում Ermenihaber-ը։

ԺՊՈՒ–ի կողմից հրապարակված գրավոր հայտարարության համաձայն՝ փետրվարի 13-14-ին թուրքական ռազմական ուղղաթիռներն ու ինքնաթիռները բազմիցս ռմբակոծել են շրջանի մի շարք բնակավայրեր։

Սակայն քրդական ուժերը համառ դիմադրություն են ցույց տվել Թուրքիայի հարձակումներին։ ԺՊՈՒ մամուլի կենտրոնը հայտնում է, որ կազմակերպված երկու պատասխան գործողությամբ թուրքական հարձակողական ուժերը չեզոքացվել են։ «Թուրքական իբրև թե ընտրյալ կայազորները հզոր հակահարված են ստացել և խուճապի մատնվել։

Ջախջախված թուրքական բանակը, թաթախված սեփական քաղաքացիների արյամբ, հարկադրած է եղել հետ քաշվել»,- ասված է ԺՊՈՒ հայտարարության մեջ։ Աղբյուրը նշում է, որ Գարայի շրջանը փետրվարի 10-ից պարբերաբար ենթարկվում է թուրքական զինուժի հարձակումներին։

Հիշեցնենք, որ Իրաքյան Քուրդիստան անվամբ հայտնի քրդաբնակ շրջանում Թուրքիան փետրվարի 10-ից իրականացնում է «Արծվի մագիլ -2» ռազմական գործողությունը, որը թուրքական կողմի պնդմամբ, ուղղված է «ահաբեկչության դեմ պայքարին»։

http://Mamul.am

 

Թողնել պատասխան

Next Post

Նոյեմբերի 9-ի հայտարարությունը որևէ միջանցքի ստեղծման դրույթ չի պարունակում. ՀՀ ԱԳՆ խոսնակի արձագանքը Ալիևի հայտարարությանը

Հայաստանի վարչապետի, Ռուսաստանի և Ադրբեջանի նախագահների` 2020 թվականի նոյեմբերի 9-ի հայտարարության 9-րդ կետը որևէ միջանցքի ստեղծման մասին դրույթներ չի պարունակում: Հայաստանի տարածքով անցնող յուրաքանչյուր […]
Facebook
fb-share-icon
Share
Instagram
Telegram