Իսրայելը հարվածել է Դամասկոսի մոտ գտնվող իրանցի աշխարհազորայիններին

MasterNews

Սիրիայի հակաօդային պաշտպանությունը կանխել է իսրայելական ագրեսիան Դամասկոսի նկատմամբ` արաբական հանրապետության տարածքում ենթադրյալ իրանամետ զինյալների դիրքերի զանգվածային ռմբակոծության ժամանակ, այս մասին հաղորդել է Aljazeera-ն՝ հղում կատարելով Սիրիայի ԶՈՒ հայտարարությանը:

Պետական ԶԼՄ-ները դեռևս չեն հայտնել երկրի մայրաքաղաքի վրա հակաօդային գործողության մանրամասները: Օդային հարձակման հետևանքով ենթադրյալ զոհերի մասին տեղեկություններ չեն ստացվել:
Սիրիայի բանակի հայտարարության մեջ ասվում է, որ իսրայելական ռազմական ինքնաթիռներն անցել են Գոլանի բարձունքների վրայով՝ Դամասկոսի ծայրամասում տեղակայված թիրախները խոցելու համր: Նշվում է, որ Իսրայելի ռազմաօդային ուժերի կողմից արձակված հրթիռների մեծ մասը ոչնչացվել է։
Aljazeera-ի աղբյուրների տվյալներով՝ Իսրայելի կողմից հերթական ռմբակոծությունը խոցել է Կիսվա քաղաքում գտնվող բանակային դիվիզիան, որտեղ տեղակայված են Իրանի կողմից աջակցվող աշխարհազորայինները:
Իսրայելի Պաշտպանության բանակի գլխավոր շտաբի պետ գեներալ-լեյտենանտ Ավիվ Կոխավին անցած տարվա վերջին հայտարարել էր, որ իր երկրի կողմից հրթիռային հարվածները «դանդաղեցրել են Սիրիայում Իրանի դիրքերի ամրապնդումը», որտեղ միայն 2020 թվականին խոցվել է 500-ից ավելի թիրախ։

 

http://Mamul.am

 

Թողնել պատասխան

Next Post

Երկրաշարժ Երևանից 17 կմ հարավ

Փետրվարի 15-ին, տեղական ժամանակով ժամը 18:21-ին (Գրինվիչի ժամանակով ժամը 14:21-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.04⁰ և […]
Facebook
fb-share-icon
Share
Instagram
Telegram