Տարվա վերջին պետական պարտքը կհասնի 8․9 միլիարդ դոլարի

MasterNews

Կառավարության պարտքն այս տարվա վերջին ենթադրվում է, որ կմոտենա 8,5 մլրդ դոլարի։ Այս մասին կառավարության նիստից հետո լրագրողների հետ ճեպազրույցում ասաց ֆինանսների նախարար Ատոմ Ջանջուղազյանը։ Իսկ պետական պարտքը, նրա խոսքով, 8,9 մլրդ դոլարի կհասնի։ Կառավարության պարտք-ՀՆԱ հարաբերակցությունը ընդհանուր պարտքի մասով կկազմի 70 տոկոս, իսկ միայն կառավարության պարտքի մասով՝ 66 տոկոս, բայց կանխատեսված ՀՆԱ-ի ցուցանիշի պայմաններում։

Ըստ նախարարի՝ զարգացող երկրների համար 70 տոկոսից բարձր պարտք-ՀՆԱ հարաբերակցությունը, այն դեպքում, երբ հստակ չէ հետվերադարձի սցենարը, համարվում է միջին կամ բարձր ռիսկայնություն ունեցող։ «Դա նշանակում է, որ մենք պետք է հիմա բոլորով իրար հետ դիտարկենք էն սցենարները, որոնք մեզ թույլ կտան պարտքը վերադարձնել կառավարելի միջակայք»,- ասաց նա։

Ըստ Ջանջուղազյանի՝ ՀՀ կառավարության կողմից 750 մլն դոլարի եվրաբոնդեր թողարկելու հարցում արտառոց ոչինչ չկա։

«2021 թվականի Բյուջեի մասին օրենքով՝ որպես դեֆիցիտի ֆինանսավորման աղբյուր արդեն իսկ նախատեսված է 500 մլն ԱՄՆ դոլարին համարժեք գումար՝ մոտավորապես 242 մլրդ դրամ՝ որպես դեֆիցիտի ֆինանսավորման գումար՝ միջազգային ֆինանսական շուկայից պարտատոմս ներգրավելու ճանապարհով։ Այսինքն՝ սա ոչ թե լրացուցիչ, չհաշվարկած, չնախատեսված պարտքի ներգրավում է, այլ ճիշտ հակառակը՝ օրենքով 2021 թվականի համար դեֆիցիտը ֆինանսավորելու նպատակով նախատեսված աղբյուրի իրականացումն է»,- ասաց նա։

http://Lragir.am

 

Թողնել պատասխան

Next Post

ՀՀ տարածքում կան փակ և դժվարանցանելի ավտոճանապարհներ

Արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։ Վարդենյաց լեռնանցքը փակ է բեռնատարների համար, դժվարանցանելի՝ մնացած բոլոր տրանսպորտային միջոցների համար, փակ են Արագածոտնի մարզում «Ամբերդ» բարձր լեռնային […]
Facebook
fb-share-icon
Share
Instagram
Telegram