Մակրոնն Էրդողանին նամակ է ուղարկել՝ հարաբերությունները կարգավորելու առաջարկով

MasterNews

Թուրքիայի արտգործնախարար Մևլութ Չավուշօղլուն հայտարարել է, որ Ֆրանսիայի նախագահ Էմանուել Մակրոնը «շատ լավ» նամակ է ուղարկել Թուրքիայի նախագահ Ռեջեփ Թայիփ Էրդողանին՝ Անկարայի և Փարիզի միջև հարաբերությունները կարգավորելու ցանկությամբ:

«2 օր առաջ մենք շատ լավ ու դրական նամակ ստացանք Մակրոնից, որում արտահայտված է հարաբերությունները զարգացնելու, մեր նախագահի հետ հանդիպելու նրա ցանկությունը։ Նա նույնիսկ ողջյունի խոսքը գրել է թուրքերենով՝ «Սիրելի Թայիփ»»,-Չավուշօղլուի խոսքերը մեջբերել է Sabah թերթը, փոխանցում է РИА Новости-ն:
Նրա խոսքով՝ Թուրքիայի առաջնորդը դրական է արձագանքել ֆրանսիացի գործընկերոջ նամակին։
«Մեր նախագահն ասել է. «հաճույքով կհանդիպենք»: Առաջին հերթին խոսքը տեսակոնֆերանսի և հեռախոսային բանակցությունների մասին է»,-հավելել է թուրք նախարարը։

http://Mamul.am

 

Թողնել պատասխան

Next Post

ՀՀ տարածքում կան փակ ավտոճանապարհներ

Արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։ Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ […]

Կարդացեք նաև

Facebook
fb-share-icon
Share
Instagram
Telegram