17.01.2022

MasterNews

Օրվա գլխավոր լուրերը մեկ տեղում

Հայաստան է տեղափոխվել 44 հայ գերի

ՀՀ փոխվարչապետ Տիգրան Ավինյանը մանրամանսեր է ներկայացրել գերիների փոխանակման գործընթացից: «Արմենպրես»ի հաղորդմամբ՝ Ավինյանը «Ֆեյսբուք» սոցիալական ցանցի իր էջում հայտնել է, որ դեկտեմբերի 14-ին ռուս խաղաղապահների միջնորդությամբ տեղի է ունեցել գերիների փոխանակման գործընթաց: Ադրբեջանից Հայաստան են տեղափոխվել պաշտոնապես հաստատված 44 մեր հայրենակիցներ։

«Այս փուլում վերադարձվում են այն հայ գերիները, որոնց գերեվարված լինելու փաստը հաստատված է Ադրբեջանի և Կարմիր խաչի կողմից: Անհետ կորած և հնարավոր գերեվարված մեր մյուս հայրենակիցների հայտնաբերման ու նրանց վերադարձի կազմակերպման գործընթացն ինտենսիվ կերպով շարունակվում է: Վերադարձած գերիների մասին ավելի ուշ կտրամադրվի լրացուցիչ տեղեկատվություն»,-նշել է Տիգրան Ավինյանը:

Ադրբեջանից Հայաստան գերիներին տեղափոխող ինքնաթիռը վայրէջք է կատարել Երևանում: Գերիներին օդանավակայանում դիմավորում են Արցախի նախագահ Արայիկ Հարությունյանը, ՀՀ փոխվարչապետ Տիգրան Ավինյանը, գերիների հարազատները

error

Կիսվեք լուրերով