Իտալիայում մետեովտանգի «դեղին» մակարդակ են հայտարարել

MasterNews

Հորդառատ անձրեւներով, ուժգին պոռթկուն քամիներով եւ այս վայրերի համար արտասովոր ցրտերով անբարենպաստ եղանակ Է հաստատվել Իտալիայի բազմաթիվ շրջաններում. Քաղաքացիական պաշտպանության ծառայության որոշմամբ՝ առաջիկա օրերին մետեովտանգի «դեղին» մակարդակ Է հայտարարված Կամպանիայի, Տոսկանայի եւ Սարդինիայի մարզերում:

Դեկտեմբերի 13-ին Հռոմում եւ Նեապոլում փակ են դպրոցները եւ մանկական հաստատությունները, հասարակական զբոսայգիները եւ գերեզմանատները: Մայրաքաղաքի քաղաքագլուխ Վիրջինյա Ռադին սոցիալական ցանցերի միջոցով խնդրել Է հայրենակիցներին՝ առավելագույնս սահմանափակել ուղեւորությունները քաղաքում եւ հնարավորինս օգտվել հասարակական տրանսպորտից:

«Մեր երեխաների ու բոլոր քաղաքացիների անվտանգությունը գերակայություն Է մեզ համար»,-ընդգծել Է նա: Քաղաքացիներին համանման կոչով դիմել Է նաեւ Նեապոլի քաղաքագլուխ Լուիջի դե Մաջիստրիսը, հաղորդել Է ՌԻԱ Նովոստին:

Կիսվել

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Next Post

Առաջիկա 5 օրվա եղանակի կանխատեսում

Երևան քաղաքում՝ Դեկտեմբերի 14-18-ը սպասվում է առանց տեղումների եղանակ։   Կիսվել
Share
Instagram
Telegram