Աննա Հակոբյանը հայկական բրենդը ներկայացնում է նաեւ Հայաստանից դուրս

MasterNews

«Հայաստանի Հանրապետություն» օրաթերթը գրում է. «#ԱրտադրվածէՀայաստանում #Կրենքհայկականը». ՀՀ վարչապետի տիկին Աննա Հակոբյանի հեշթեգն է: Այդ գրությունը պարտադիր հաջորդում է այս կամ այն պաշտոնական այցի կամ հանդիպման ժամանակ իր կրած զգեստի մասին տրվող տեղեկատվությանը` «Զգեստը` … բրենդի»: Մեր կողմից դրված բազմակետերի փոխարեն, իհարկե, անպայմանորեն հայկական բրենդի անուն է նշվում:

Թերթը զրուցել է մի քանի բերնդի ներկայացուցիչների հետ, որոնց հագուստը վարչապետի կինը կրել է արտասահմանյան այցերի ժամանակ: Օրինակ, Վիետնամի Սոցիալիստական Հանրապետությունում Հակոբյանը վարչապետին ուղեկցել է «Diana Eyvonah» բրենդի հագուստով: Դիզայներ Դիանա Հովեյանը   խոսելով արձագանքների մասին` ասել է. «Որքանով ես եմ կարողացել հետեւել եւ որքանով ես եմ տեղյակ` արձագանքները դրական են եղել: Զգեստը հավանել են: Որքանով գիտեմ, տիկին Աննան էլ շատ է հավանել ու սիրով կրել է»:

«Զարգարյան» բրենդի դիզայներ Աննա Զարգարյանն էլ հիմա նոր զգեստի էսքիզի շուրջ է մտորում: Ուզում է երեկոյան նուրբ զգեստ կարել Աննա Հակոբյանի համար, որպեսզի պաշտոնական այցերից որեւէ մեկի ժամանակ կրի: Դա իր նախաձեռնությունն է: Մեկ օրինակ է լինելու, այլեւս որեւէ մեկի համար նույնը չի կարելու: Արդեն պատկերացնում է` նուրբ, դասական զգեստ է լինելու` հայկական զարդանախշերով»:

Կիսվել

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Next Post

Թեքված գովազդային վահանակն ապամոնտաժվել է

Ս.թ. հուլիսի 16-ին, ժամը 18:30-ին «911» ծառայությանը տեղեկություն է հաղորդվել, որ Երևան քաղաքի Աբովյան 31 հասցեում առկա է թեքված գովազդային վահանակ: ԵՓՎ Կենտրոնի համայնքային բաժնի պետը տեղում […]
Share
Instagram
Telegram