Սուրիկ Խաչատրյանի առանձնատունը, որը գտնվում է կենդանաբանական այգու ճանապարհին, գրանցված չէ

MasterNews

Մենք ունենք կադաստրային գներ անշարժ գույքին վերաբերող, որոնք հնացած են: 2002 թվականին են կատարվել վերջին շտկումները: Այս մասին այսօր կառավարության նիստից հետո լրագրողների հետ զրույցում ասաց Անշարժ գույքի կադաստրի կոմիտեի նախագահ Սարհատ Պետրոսյանը:

«Մենք ուսումնասիրել ենք շուկան եւ դրանց հիման վրա կադաստրային արժեք հասկացությունը, որը էականորեն զիջում է շուկայում եղած թվերին, մոտեցրել ենք շուկային»,- ասաց Պետրոսյանը:

Նրա խոսքով 2018 թվականին Հայաստանի ողջ տարածքում գնահատվել է 51 հազար գույք, դրան ավելացվել են կադաստրում եղած հավաստի տվյալները եւ դրանց վերլուծության արդյունքում ստացել են լրիվ այլ պատկեր: Պետրոսյանն ասաց, որ գնահատումը հեղափոխությունից որոշ ժամանակ առաջ է եղել, սակայն հիմնական մասը` հեղափոխությունից հետո:

«Այսօր Երեւանի կենտրոնում անշարժ գույքի շուկայական արժեքը հինգ հազար դրամով ավելին է, քան այն արժեքը, որ ֆիքսել ենք հիմա: Եթե շուկայում լինեն մեծ տատանումներ, մենք դա կվերանայենք»,- ասաց կոմիտեի նախագահը, հավելելով, որ եթե շուկայում գները ընկնեն 25 տոկոսով, ապա գինը կիջեցնեն 25 տոկոսով:

Պետրոսյանն ասաց, որ սա դեռեւս անշարժ գույքի հարկը չէ. «Նախագիծը ենթադրում է, որ գույքահարկ այլեւս չպետք է լինի ընդհանրապես՝ անշարժ գույքի միասնական հարկ է լինելու»:

Պետրոսյանը նշեց, որ դրույքաչափի վերաբերյալ ինքը չի կարող որեւէ բան ասել, սակայն իր անձնական դիրքորոշմամբ` կառավարությունը պետք է այնպես անի, որ ռիսկային խավի վրա ճնշում չլինի:

Անդրադառնալով Մոնումենտի շքեղ առանձնատների գույքահարկի վերաբերյալ հարցին, Պետրոսյանը նշեց, որ տեղեկություններ չունի, թե այդ առանձնատների համար որքան գույքահարկ է վճարվում:

Հարցին՝ կա՞ն առանձնատներ, որոնք գրանցված չեն եւ գույքահարկ չեն վճարում, Պետրոսյանը պատասխանեց. «Իմ աշխատանքի ընթացքում հանդիպել են գույքեր, որոնք ինքնակամ են, գրանցված չեն: Գույքահարկ չեն վճարում: Նրանց մեջ եղել են եւ կան նախկին պաշտոնյաներ: Բազմաթիվ են նման օրինակները, երբ բերում եւ մեզ մոտ գրանցում են նաեւ Մոնումենտից: Սուրիկ Խաչատրյանի առանձնատունը, որը գտնվում է կենդանաբանական այգու ճանապարհին, գրանցված չէ»:

Կիսվել

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Next Post

«Women’s Club»-ի նոր անդամ Արենա Զեյնալյանի կերպարը կոտրելու է տարածված կարծրատիպը

«Women’s Club»-ի նոր անդամի՝ Արենա Զեյնալյանի կերպարը նույնպես նոր է լինելու նախագծի համար: «Միսս աշխարհ Արմենիա 2018»-ի հաղթող, «Միսս աշխարհ 2018»-ում Հայաստանը ներկանացրած իրանահայ մոդելը […]
Share
Instagram
Telegram