Գրենլանդիայի սառցադաշտերն օրական երկուական խորանարդ կիլոմետր ջուր են կորցնում

MasterNews

Գրենլանդիայի սառցադաշտերն այս տարի սկսել են արտասովոր վաղ հալչել, ինչը նոր «ռեկորդի» սահմանում Է խոստանում: Այդ մասին, ինչպես տեղեկացնում Է «Արմենպրես»-ը, հայտնել Է Svenska Dagbladet թերթը, որի տվյալներով՝ հալչող սառցադաշտերից օրական օվկիանոս Է թափվում երկուական խորանարդ կիլոմետր ջուր:

Այսպես, անցյալ հինգշաբթի օրը՝ հունիսի 13-ին, հալոցք Է գրանցվել Գրենլանդիայի մակերեւույթի 40 տոկոսի վրա: Գրենլանդական սառցադաշտերի ջերմաստիճանի չափումներն սկսվել են 70-ական թվականներին: Ընդհուպ մինչեւ 90-ական թվականները դրանց ակտիվ հալվելու լուրջ ցուցանիշներ չեն գրանցվել, սակայն հետո գրանցվել են «ակտիվության մի շարք բռնկումներ», հատկապես 2007, 2010 եւ 2012 թվականներին: Գրենլանդիայի սառցե վահանի հալվելու այսօրվա տեմպերը կարող են համեմատվել միայն 2012 թվականի հետ, երբ գործընթացը ներառել Էր գործնականում կղզու ամբողջ մակերեւույթը:

Արդյունքում Գրենլանդիայի ափերը ողողող ծովերն ավելի ու ավելի շատ քաղցրահամ ջուր են ստանում, ինչը, իր հերթին, կարող Է գլոբալ մասշտաբով ազդել ծովային հոսանքների վրա, հաղորդել Է ՏԱՍՍ-ը:

 

Կիսվել

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Next Post

Երևանում կայանալիք Եվրո-2019-ի տոմսերն արդեն վաճառքում են և արժեն 500 դրամ

Նախնական վաճառքի են հանվել Եվրոպայի Մ-19 առաջնության խմբային փուլի բոլոր խաղերի տոմսերը։ «Արմենպրես»-ի հաղորդմամբ` այս մասին հայտնում է ՀՖՖ-ն:«Հանրապետական» մարզադաշտի տոմսարկղերում կարելի է ձեռք բերել […]
Share
Instagram
Telegram