Փորձագետները նախազգուշացրել են երկրների կողմից միջուկային զենքի արդիականացման մասին

MasterNews

ԱՄՆ-ի եւ Ռուսաստանի ջանքերով աշխարհում միջուկային զենքի թվաքանակը կրճատվում Է, դրա հետ մեկտեղ այդ զենքն ունեցող երկրները շարունակում են այն արդիականացնել: Դա, ինչպես տեղեկացնում Է «Արմենպրես»-ը, հետեւում Է այն տվյալներից, որոնք հրապարակված են Խաղաղության հիմնախնդիրների հետազոտման Ստոկհոլմի միջազգային ինստիտուտի տարեկան հանդեսում, որը զետեղված Է կազմակերպության կայքում:

ԱՄՆ-ը եւ Ռուսաստանը, որոնք միասին առաջվա պես տիրում են միջուկային զենքի պաշարների մոտավորապես 90 տոկոսին, շարունակել են կրճատել միջուկային սպառազինությունների իրենց պաշարները՝ ղեկավարվելով Ռազմավարական հարձակողական սպառազինություններ-3 (ՌՀՄ-3) պայմանագրի դրույթներին:

Ինստիտուտում ընդգծում են, որ 2018 թվականին երկրները հայտարարել են սահմանված ժամկետներում սպառազինության կրճատման լիմիտին հասնելու մասին: Ընդ որում՝ ՌՀՍ-3-ի գործողության ժամկետը կլրանա 2021 թվականին, եթե երկու երկրները չհամաձայնեն այն երկարաձգել:

«Ռուսական եւ ամերիկյան միջուկային ուժերի համաձայնեցված կրճատման շարունակման հեռանկարներն ավելի ու ավելի քիչ հավանական են դառնում՝ հաշվի առնելով երկու երկրների միջեւ առկա քաղաքական ու ռազմական տարաձայնությունները»,-հանդեսում մեջբերված Է Ստոկհոլմի ինստիտուտի հետազոտող Շենոն Քայլի խոսքը: Նշվում Է, որ 2019 թվականի սկզբի դրությամբ ինը երկիր՝ ԱՄՆ-ը, Ռուսաստանը, Մեծ Բրիտանիան, Ֆրանսիան, Չինաստանը, Հնդկաստանը, Պակիստանը, Իսրայելը եւ Հյուսիսային Կորեան ունեին մոտավորապես 13,9 հազար միջուկային մարտագլխիկ:

Այդ ցուցանիշը պակաս Է, քան 2018 թվականի սկզբին, երբ այն հասնում Էր 14,5 հազարի: «Հանգուցային եզրակացությունն այն Է, որ, չնայած 2018 թվականին միջուկային մարտագլխիկների թվի ընդհանուր կրճատմանը, միջուկային զենք ունեցող բոլոր պետությունները շարունակում են արդիականացնել իրենց միջուկային զինանոցները»,-ասել Է Ստոկհոլմի ինստիտուտի վարչության նախագահ Յան Էլիասոնը: Ճշտվում Է, որ միջուկային մյուս պետությունների զինանոցները մեծ չեն, սակայն բոլոր այդ երկրները կամ սկսել են զարգացնել, կամ ծավալել միջուկային զենքի փոխադրման նոր համակարգեր, կամ հայտարարել են նման ծրագրերի մասին: Որպես օրինակ փորձագետները նշում են Չինաստանը, Հնդկաստանը եւ Պակիստանը, հաղորդել Է ՌԻԱ Նովոստին:

Կիսվել

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Next Post

Հնդկաստանի արեւելքում հարյուրից ավելի մարդ Է մահացել սուր Էնցեֆալիտի բռնկման պատճառով

Հնդկաստանի Բիհարի հյուսիսարեւելյան նահանգում սուր Էնցեֆալիտի բռնկումն արդեն հարյուրից ավելի մարդու կյանք Է խլել, որոնցից ավելի քան 80-ը երեխաներ են: Այդ մասին, ինչպես տեղեկացնում Է […]

Կարդացեք նաև

Share
Instagram
Telegram