Թուրքիայի պաշտպանության նախարարը այցելել է Հայաստանի հետ սահմանին գտնվող ԶՈՒ ստորաբաժանումներ

MasterNews

Թուրքիայի պաշտպանության նախարար Հուլուսի Աքարն այցելել է Թուրքիայի Իգդիր նահանգ, որտեղ ուսումնասիրություններ և ստուգումներ է անցկացրել Հայաստանի, Նախիջևանի և Իրանի հետ սահմանին տեղակայված Թուրքիայի ԶՈՒ ստորաբաժանումներում, հայտնում է Ermenihaber-ը:

Թուրքիայի պաշտպանության նախարարի հետ Իգդիր են մեկնել Թուրքիայի ցամաքային ուժերի հրամանատար, բանակի գեներալ Յաշար Գյուլերը, ռազմածովային ուժերի հրամանատար, բանակի ծովակալ, Ադնան Օզբալը, ինչպես նաև Թուրքիայի օդային ուժերի հրամանատար, բանակի գեներալ Հասան Քյուչյուքաքյուզը։

Լրագրողների հարցերին պատասխանելիս Աքարը հայտնել է, որ Իրանի սահմանից Թուրքիայի ուղղությամբ ինչպես ահաբեկչական գործողությունների, սահմանախախտումների, ապօրինի փոխադրումների, այնպես էլ չհամակարգված ներգաղթի շրջանակներում ապօրինի ներթափանցման փորձեր են արվում։

Աքարն, այդ ամենի դեմ պայքարում կարևորելով համապատասխան միջոցառումների անթերի կատարումը, նշել է.

«Մենք մեր աշխատանքներով պետք է արդարացնենք մեր երկրի սպասելիքները։ Իսկ Ձեզնից սպասելիքները մեծ են. հիմնականը մեր սահմանների անանցանելիությունն է։ Այդ ամենի դեմ պայքարում մեր բոլոր հնարավորություններն արդյունավետ կերպով օգտագործելու ենք և բոլոր այդ ապօրինի ներթափանցումները զրոյացնելու ենք»։

http://armtimes.com

Կիսվել

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Next Post

Էլեկտրաէներգիայի պլանային անջատումներ

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունիսի 10-ին պլանային և վերանորոգման աշխատանքներ իրականացնելու նպատակով, հետագայում վթարներից խուսափելու համար կհոսանքազրկվեն` Երևան քաղաքում՝ 10:00-16:00 Արշակունյաց պող. […]
Share
Instagram
Telegram