27.10.2021

MasterNews

Օրվա գլխավոր լուրերը մեկ տեղում

7-ամյա հայուհին Թուրքիայում անցկացված «Մինի միսս Տիեզերք 2019» մրցույթի հաղթող է ճանաչվել

Ռուսաստանի Դաշնության Կրասնոդարի երկրամասի Արմավիր քաղաքում բնակվող Անջելինա Մկրտչյանը գեղեցկության, նորաձեւության ու տաղանդի «Մինի միսս Տիեզերք 2019» փառատոնի հաղթող է ճանաչվել։ Փառատոնն անց է կացվել Թուրքիայում: Այս մասին հաղորդում է «Кубань 24» հեռուստաալիքը։

Փոքրիկ հայուհին ժյուրիի առաջ ներկայացել է երեկոյան զգեստով, ազգային եւ սպորտային հագուստներով։ Ժյուրիի կազմում հայտնի դիզայներներ, մշակութային գործիչներ եւ շոու բիզնեսի ներկայացուցիչներ են եղել։

«Շատ էի հուզվում, ցանկանում էի հաղթել ու հաղթեցի»,- հեռուստաալիքին տված հարցազրույցում ասել է 7-ամյա Անջելինան։

«Մինի միսս Տիեզերք 2019» մրցույթն անց է կացվել իտալական ծագումով ֆրանսիացի աշխարհահռչակ դիզայներ Պիեր Կարդենի հովանավորության ներքո, որը հաղթողի հավակնորդների շարքում նկատել է փոքրիկ հայուհուն եւ նրան Փարիզ հրավիրել։

Անջելինա Մկրտչյանը, չնայած մրցույթին մասնակցությանը, գերազանցությամբ է ավարտել առաջին դասարանը եւ լավագույն աշակերտուհի է ճանաչվել: Փոխանցում է rusarminfo.ru-ն

http://armtimes.com

 

error

Կիսվեք լուրերով