Գումարվել է Սանկտ Պետերբուրգի տնտեսական համաժողովը. Փաշինյանն ու Պուտինը կհանդիպեն

MasterNews

Սանկտ Պետերբուրգում գումարվել է միջազգային տնտեսական համաժողովը: Համաժողովում տեղի կունենա Ռուսաստանի նախագահ Վլադիմիր Պուտինի եւ Հայաստանի վարչապետ Նիկոլ Փաշինյանի հանդիմումը:

Մասնակիցների թվում են Ռուսաստանի և Չինաստանի նախագահներ Վլադիմիր Պուտինը, Սի Ցզինպինը եւ մի շարք այլ երկրների բարձրաստիճան պաշտոնյաներ:

Եռօրյա համաժողովի ընթացքում Պուտինը հանդիպելու է Բուլղարիայի նախագահ Ռումեն Ռադևի, Սլովակիայի վարչապետ Պետեր Պելեգրինիի և Հայաստանի վարչապետ Նիկոլ Փաշինյանի հետ: Վաղվա լիագումար նիստին կմասնակցի նաև ՄԱԿ-ի գլխավոր քարտուղար Անտոնիո Գուտերեշը:

Ռուսական լրատվական գործակալությունները հաղորդում են, որ Սանկտ Պետերբուրգի համաժողովին չեն մասնակցում Միացյալ Նահանգների պաշտոնյաները և ամերիկյան խոշոր ընկերությունների պատվիրակները: Ռուսաստանում ԱՄՆ դեսպան Ջոն Հանտսմանը և ամերիկացի պաշտոնյաները բոյկոտում են համաժողովն, այդպես բողոք հայտնելով ամերիկացի ներդրող Մայքլ Կալվիին այս տարվա փետրվարին Մոսկվայում ձերբակալելու Ռուսաստանի իրավապահների որոշման դեմ:

Անցյալ տարվա համաժողովին ներկա էր 17 հազար մասնակից: Այս տարվա համաժողովը գումարվում է Ռուսաստանի տնտեսական իրավիճակի վատթարացման պայմաններում:

«Ռուսաստանի Հյուսիսային մայրաքաղաք» Սանկտ Պետերբուրգում միջազգային տնտեսական առաջին համաժողովը տեղի է ունեցել 1997 թվականին: 2006 թվականից այդ խոշոր հավաքի կազմակերպումը ստանձնել է Ռուսաստանի նախագահի վարչակազմը:

http://armtimes.com

Կիսվել

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Next Post

Դրոշմավորման կանոնների խախտմամբ ապրանքների իրացման դեպքերը կապաքրեականացվեն

Ակցիզային դրոշմանիշերով եւ դրոշմապիտակներով չդրոշմավորմած կամ դրոշմավորման կանոնների խախտմամբ ապրանքների իրացման դեպքերի համար կսահմանվեն վարչական պատասխանատվության միջոցներ։ Կառավարությունն այսօրվա նիստի ընթացքում միաձայն ընդունեց «Հայաստանի Հանրապետության […]
Share
Instagram
Telegram