Ոստիկանները բացահայտել են Չեխիայի քաղաքացու նկատմամբ կատարված ավազակությունը. կան ձերբակալվածներ

MasterNews

Հունիսի 2-ին, ժամը 19.20-ին, ոստիկանության կրթահամալիրից Մալաթիայի բաժին ահազանգ էր ստացվել, որ իրենց է դիմել օտարերկրյա մի քաղաքացուհի և խնդրել ոստիկանության օգնությունը:
Մեկնած ոստիկանության Մալաթիայի բաժնի ծառայողներին Չեխիայի Հանրապետության քաղաքացին հաղորդում է տվել, որ նույն օրը, ժամը 18.30-ին, Գևորգ Չաուշի փողոցում նստել է անհայտ մակնիշի ավտոմեքենա, որ ուղևորվի Կենտրոն, սակայն Սասունիկ գյուղ տանող ճանապարհին մեքենայի վարորդը և ուղևորը դանակի սպառնալիքով հափշտակել են իր ուսապարկը, որի մեջ եղել են լուսանկարչական սարք, բջջային հեռախոս և անձնական իրեր:
Ոստիկանության քրեական հետախուզության գլխավոր, Երևան քաղաքի, Արագածոտնի և Կոտայքի մարզային վարչությունների ու Մաշտոցի բաժնի ծառայողների համատեղ ձեռնարկած օպերատիվ-հետախուզական միջոցառումների շնորհիվ հունիսի 3-ին Աշտարակ քաղաքի Բագավան թաղամասից, ավազակություն կատարելու կասկածանքով, Մաշտոցի բաժին բերման են ենթարկվել Աշտարակ քաղաքի բնակիչներ Արտակ Ա.-ն, Տիգրան Ն.-ն և Գրիգոր Ի.-ն:
Նրանք ձերբակալվել են:
Կատարվում են նախաքննություն:

Կիսվել

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Next Post

Մանվել Գրիգորյանը չի ներկայացվել դատարան ․․․․

ՀՀ ԱԺ նախկին պատգամավոր Մանվել Գրիգորյանը այսօր դատարան չի ներկայացվել: Այս մասին այսօր դատավարության մասնակիցներին տեղեկացրեց Երեւան քաղաքի ընդհանուր իրավասության դատարանի դատավոր Մնացական Մարտիրոսյանը՝ միաժամանակ […]
Share
Instagram
Telegram