ՃՏՊ Մարտունի-Գետափ ավտոճանապարհին. կան տուժածներ

MasterNews

Մայիսի 29-ին, ժամը 03:10-ին «911» ծառայությանը տեղեկություն է հաղորդվել, որ Գեղարքունիքի մարզի Ծովազարդ գյուղում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Մ-10 ավտոճանապարհի Մարտունի-Գետափ հատվածի 11-րդ կմ-ին «Opel» մակնիշի ավտոմեքենան (վարորդ՝ Պ.Խ., ծնված 1998 թ․) դուրս է եկել ճանապարհի երթևեկելի հատվածից և մոտ 10 մետր գլորվել դաշտամիջյան հատված:

Փրկարարներն ավտոմեքենայից դուրս են բերել վարորդին և մոտեցրել շտապօգնության ավտոմեքենային:

Վարորդը և ուղևորը՝ Գ.Մ.-ն (ծնված 1998 թ.), հոսպիտալացվել են Գավառի ԲԿ: Բժիշկները Գ.Մ.-ի առողջական վիճակը գնահատել են բավարար, իսկ Պ.Խ.-ինը՝ միջին ծանրության:

Կիսվել

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Next Post

Հայկական հեռախոսներ էլ չեն արտադրվում

Հայաստանում հայկական պլանշետների արտադրությունը շարունակում է նվազել: ՀՀ վիճակագրական կոմիտեի հրապարակած տվյալների համաձայն, 2019 թվականի հունվար-մարտին հանրապետությունում արտադրվել է 144 հատ պլանշետ, ինչը 2018 թ-ի նույն ժամանակահատվածի համեմատ նվազել […]
Share
Instagram
Telegram