ՃՏՊ Մաշտոցի պողոտայում. կան տուժածներ

MasterNews

Մայիսի 21-ին, ժամը 02:40-ին «911» ծառայությանն ահազանգ է ստացվել, որ Երևան քաղաքի Մաշտոցի պողոտայի թիվ 45 հասցեի մոտակայքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ «Mercedes E» մակնիշի ավտոմեքենան բախվել է կայանած «BMW 750» մակնիշի ավտոմեքենային, վերջինս էլ՝ կայանած «Kia Cerato» մակնիշի ավտոմեքենային (վարորդների ինքնությունը չի հաջողվել պարզել):

Մինչ փրկարարների՝ կանչի վայր հասնելը «Mercedes E» մակնիշի ավտոմեքենայի ուղևորները՝ Ս.Գ.-ն (ծնված 1986 թ.) և Գ.Ա.-ն (ծնված 1999 թ.), հոսպիտալացվել են «Հերացի» թիվ 1 հիվանդանոցային համալիր: Բժիշկները Ս.Գ.-ի առողջական վիճակը գնահատել են միջին ծանրության, իսկ Գ. Ա.-ինը՝ կայուն:

Փրկարարները փակել են «Mercedes E» մակնիշի ավտոմեքենայի գազի բալոնի փականը:

Կիսվել

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Next Post

ԱՄՆ-ը Huawei-ին թույլատրել է ժամանակավորապես վերսկսել իր գործունեությունը երկրում

ԱՄՆ-ի առեւտրի նախարարությունը Չինաստանի Huawei հեռահաղորդակցական ընկերությանը տվել է ժամանակավոր գլխավոր թույլատրագիր, որը վերականգնում է ցանցերի սպասարկում ապահովելու եւ ԱՄՆ-ում օգտագործվող իր շարժական սարքերի համար ծրագրային ապահովում տրամադրելու նրա […]
Share
Instagram
Telegram