Ռոբերտ Քոչարյանը քիչ առաջ ազատ արձակվեց Բակո Սահակյանի եւ Արկադի Ղուկասյանի անձնական երաշխավորությամբ

MasterNews

Ռոբերտ Քոչարյանը քիչ առաջ կալանքից ազատվեց Արցախի գործող նախագահ Բակո Սահակյանի եւ նախկին նախագահ Արկադի Ղուկասյանի անձնական երաշխավորությամբ:

Խորհրդակցական սենյակից վերադառնալով այսպիսի որոշում կայացրեց Երեւան քաղաքի ընդհանուր իրավասության դատարանի դատավոր Դավթի Գրիգորյանը:

Որոշման հրապարակմանը ներկա էին նաեւ Քոչարյանի որդիները՝ Լեւոն եւ Սեդրակ Քոչարյանները:

Բակո Սահակյանը եւ Արկադի Ղուկասյանը իրենց երաշխավորությունը պնդելու համար մայիսի 16-ին եկել էին դատարան: Նրանք 500.000–ական դրամ են վճարել Երեւանի ընդհանուր իրավասության դատարանի դեպոզիտ հաշվին:

Քոչարյանի խափանման միջոց կալանքը հիմնավոր լինելու կամ չլինելու հարցը քննվեց 4 օր: Այդ ընթացքում ծավալույն հայտարարությամբ հանդես եկավ Ռոբերտ Քոչարյանը, ինչպես նաեւ ՀՀ գլխավոր դատախազ Արթուր Դավթյանը:

Ռոբերտ Քոչարյանը մեղադրվում է սահմանադրական կարգը տապալելու եւ առանձնապես խոշոր չափերի կաշառք ստանալու համար: Առաջադրված մեղադրանքում Քոչարյանն իրեն մեղավոր չի ճանաչում:

http://armtimes.com

Կիսվել

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Next Post

Վարչապետի մամուլի խոսնակը կասկածի տակ է դնում դատարանի որոշման արդարացիությունը

ՀՀ վարչապետի մամուլի քարտուղար Վլադիմիր Կարապետյանը անդրադարձել է ՀՀ երկրորդ նախագահ Ռոբերտ Քոչարյանի խափանման միջոցը փոխելու՝ դատարանի որոշմանը։ «Հայաստանը իրավական պետություն է, որտեղ հստակ բաժանված են իշխանության […]
Share
Instagram
Telegram